សហព័ន្ធស្រូវអង្ករកម្ពុជាបានប្រកាសថា ខ្លួននឹងរៀបចំបើកលក់អង្ករនៅពីរទីតាំងក្នុងរាជធានីភ្នំពេញក្នុងតម្លៃសមរម្យ ដើម្បីដោះស្រាយកង្វល់ និងទប់ស្ថានការណ៍ពីជនឆក់ឱកាសនិយមតម្លើងថ្លៃអង្ករ ក្រោយពីមានព័ត៌មាន នៃការរីករាលនៃជំងឺឆ្លង កូវីត១៩ ។
ជាមួយគ្នាសហព័ន្ធស្រូវអង្ករកម្ពុជា ក៏បានអំពាវនាវដល់បងប្អូនប្រជាពលរដ្ឋទាំងអស់ សូមកុំមានការភ័យព្រួយបារម្ភលើបញ្ហាខ្វះអង្ករ ដោយថា ខ្លួនមានសមាជិកជារោងម៉ាស៊ីនកិនស្រូវជាង៤០០ ដោយមានបរិមាណស្រូវគ្រប់គ្រាន់សម្រាប់ផ្គត់ផ្គង់ជូនតាមតម្រូវការក្នុងស្រុក និងសម្រាប់នាំចេញ រហូតដល់រដូវប្រមូលផលខាងមុខ៕
