យោងតាមលិខិតមួយច្បាប់របស់ប្រធានពន្ធនាគារព្រៃស បានឲ្យដឹងថា ពេលនេះនៅមណ្ឌលអប់រំកែប្រែទី១ មានជនជាប់ឃុំចំនួន ១៨នាក់ មានវិជ្ជមានវីរុសកូវីដ១៩។
បច្ចុប្បន្ននេះ មណ្ឌលកំពុងអនុវត្តវិធានការទប់ស្កាត់ការឆ្លងរាលដាលនៃជំងឺកូវីដ១៩ ដោយកំពុងធ្វើការស្រាវជ្រាវរកអ្នកពាក់ព័ន្ធដោយផ្ទាល់ និងប្រយោលមកយកសំណាកពិនិត្យធ្វើតេស្តរកជំងឺកូវីដ១៩។
ករណីវិជ្ជមានវីរុសកូវីដ១៩នៅក្នុងពន្ធនាគារនេះ បានឲ្យសវនាការជំនុំជម្រះនៅតុលាការកំពូលសាលាឧទ្ធរណ៍ និងសាលាដំបូងរាជធានីភ្នំពេញ ត្រូវលើកពេលជាបណ្តោះអាសន្នសិន៕
