កាលពីរសៀលថ្ងៃទី១៨ ខែឧសភា ឆ្នាំ២០២១ម្សិលមិញនេះ កម្លាំងនគរបាលការិយាល័យព្រហ្មទណ្ឌកម្រិតស្រាលនៃស្នងការដ្ឋាននគរបាលខេត្តបាត់ដំបង បានចុះបង្រ្កាបករណីល្បែងភ្នាល់ទឹកភ្លៀងនៅចំណុចភូមិចំការសំរោង២ សង្កាត់ ចំការសំរោង ក្រុងបាត់ដំបង ដោយឃាត់ខ្លួនមេល្បែងម្នាក់។
ជនសង្ស័យត្រូវបានបញ្ជាក់ថា មានឈ្មោះ ពេជ្រ សុធា ភេទប្រុ ស អាយុ៤០ ឆ្នាំមានទីលំនៅភូមិកម្មករ សង្កាត់ស្វាយប៉ោក្រុងបាត់ដំបងខេត្តបាត់ដំបង ។
ក្នុងនោះ សមត្ថកិច្ចក៏ដកហូតបានវត្ថុតាងមួយចំនួនរួមមាន៖ ឧបករណ៍កែច្នៃសម្រាប់ត្រងទឹកភ្លៀងចំនួន ០១, វិទ្យុទាក់ទងចំនួន ០៣ គ្រឿង, រថយន្ត ម៉ាក TOYOTA RUSH ពណ៌ខ្មៅ ពាក់ស្លាកលេខ ភ្នំពេញ 2AY-1982 ចំនួន០១ គ្រឿង។
បច្ចុប្បន្នការិយាល័យជំនាញបានកសាងសំណុំរឿង បញ្ជូនទៅតុលាការដើម្បីចាត់ការតាមនីតិវិធី៕
