បច្ចុប្បន្ននេះ នៅមានរថយន្តប្រមាណ ៤៦ភាគរយ ឬក៏ជាង ៣៤ម៉ឺនគ្រឿងទៀតបានផុតសុពលភាពឆៀក ។ នេះបើតាមការបញ្ជាក់របស់លោក ស៊ុន ចាន់ថុល រដ្ឋមន្រ្តីក្រសួងសាធារណការ និងដឹកជញ្ជូន។
ក្នុងឱកាសចុះត្រួតពិនិត្យ ការដ្ឋានសាងសង់ផ្លូវជាតិ លេខ៥ ភាគខាងជើង (បាត់ដំបង-សេរីសោភ័ណ) និងភាគខាងត្បូង កាលពីរសៀលថ្ងៃទី២៧ ខែឧសភា ឆ្នាំ២០២០ លោក ស៊ុន ចាន់ថុល បានធ្វើការអំពាវនាវ ទៅម្ចាស់ យានយន្ដទាំងអស់នោះ សូមមេត្តាយកឡាន ទៅឆៀកឲ្យត្រឹមត្រូវ បើមិនចង់ចឹងទេ អាចបង្កគ្រោះថ្នាក់ចរាចរណ៍។
បន្ថែមពីនេះ រដ្ឋមន្ដ្រីសាធារណការ ក៏បានអំពាវនាវ ទៅដល់ប្រជាពលរដ្ឋ ហួសសុពលភាព បណ្ណបើកបរ ត្រូវយកបណ្ណបើកបរ ទៅពន្យារឲ្យបានត្រឹមត្រូវ និងតាមលក្ខណៈបច្ចេកទេស ផងដែរ៕
