យោងតាមប្រព័ន្ធផ្សព្វផ្សាយចិនបានឲ្យដឹងថា វ៉ាក់សាំង Sinovac ដែលផលិតដោយក្រុមហ៊ុនចិន ចំនួន១លាន៥សែនដូស នឹងដឹកមកដល់ប្រទេសកម្ពុជា នៅថ្ងៃទី២៦ ខែមីនា ខាងមុខតាមជើងហោះហើរក្រុមហ៊ុនអាកាសចរណ៍ China Southern។
វ៉ាក់សាំងនេះ ជាការបញ្ជាទិញរបស់រាជរដ្ឋាភិបាលកម្ពុជាពីក្រុមហ៊ុនចិន បន្ថែមលើជំនួយវ៉ាក់សាំង Sinorpharm ចំនួន១លានដូលដែលចិនផ្តល់ជំនួយមកកម្ពុជាកន្លងមក។
ពិធីទទួលវ៉ាក់សាំងនឹងធ្វើឡើងក្រោមវត្តមានរបស់លោក វង្ស៉ី វិស្សុត រដ្ឋមន្ត្រីប្រតិភូអមនាយករដ្ឋមន្រ្តី និងជារដ្ឋលេខាធិការក្រសួងសេដ្ឋកិច្ច និងហិរញ្ញវត្ថុ ជាតំណាងរាជរដ្ឋាភិបាលកម្ពុជា និង លោក វ៉ាង វិនធាន ឯកអគ្គរដ្ឋទូតចិនប្រចាំកម្ពុជា។
គួរបញ្ជាក់ដែរថា នាយករដ្ឋមន្រ្តីនៃកម្ពុជា ធ្លាប់បានប្រកាសថា រាជរដ្ឋាភិបាលនឹងទិញ វ៉ាក់សាំងប្រភេទ Sinovac ចំនួន១លាន៥សែនដូស ពីប្រទេសចិន ខណៈវ៉ាក់សាំងស៊ីណូហ្វាម ដែលជាជំនួយរបស់ចិន នៅសល់៤០ម៉ឺនដូសទៀត៕
