ថ្លែងក្នុងសន្និសីទសារព័ត៌មាននៅព្រឹកថ្ងៃទី៤ ខែមីនា ឆ្នាំ២០២១ សម្តេចតេជោ ហ៊ុន សែន បានបញ្ជាក់ថា វ៉ាក់សាំង AstraZeneca ផលិតនៅឥណ្ឌា ដែលកម្ពុជាទើបតែទទួលបានប្រមាណជាង ៣២ម៉ឺនដូស នឹងផ្តល់អាទិភាពឱ្យរាជធានីភ្នំពេញ ខេត្តកណ្តាល និងខេត្តព្រះសីហនុ ដែលជាតំបន់ប្រឈមខ្ពស់នៃការឆ្លងជំងឺនេះ។
សម្តេចបានណែនាំឲ្យចាក់វ៉ាក់សាំងនេះ ដល់មន្រ្តីមូលដ្ឋាន និងប្រជាពលរដ្ឋដែលមានអាយុចាប់ពី ៦០ឆ្នាំឡើងលើ។
បើតាមសម្តេចតេជោ គិតត្រឹមល្ងាចម្សិលមិញ កម្ពុជាបានចាក់វ៉ាក់សាំងឱ្យប្រជាជនខ្លួនប្រមាណជាង ១២ម៉ឺននាក់ហើយ៕
