(តាកែវ) ៖ ជនសង្ស័យពាក់ព័ន្ធនឹងករណីគ្រឿងញៀនចំនួន៣នាក់ ត្រូវបានកម្លាំងសមត្ថកិច្ច នៃអធិការដ្ឋាននគរបាលស្រុកបាទី សហការជាមួយកម្លាំងប៉ុស្តិ៍នគរបាលឃុំលំពង់ ធ្វើការចាប់ខ្លួនកាលពីថ្ងៃទី១១ ខែឧសភា ឆ្នាំ២០២០ម្សិលមិញ នៅចំណុចភូមិត្រយឹងខ្ពស់ ឃុំលំពង់ ស្រុកបាទី ខេត្តតាកែវ។
ជនសង្ស័យទាំង៣នាក់នោះ ៖ ១. ឈ្មោះ ហំ លីតា ភេទស្រី អាយុ ៣៩ឆ្នាំ មុខរបរមិនពិតប្រាកដ មានទីលំនៅភូមិត្រយឹងខ្ពស់ ឃុំលំពង់ ស្រុកបាទី ខេត្តតាកែវ ជាមុខសញ្ញាជួញដូរសារធាតុញៀនខុសច្បាប់, សមត្ថកិច្ចដកហូតបានទូរស័ព្ទ ០១គ្រឿង និងក្រាមពណ៌ស សង្ស័យសារធាតុញៀនខុសច្បាប់ ៤៤កញ្ចប់។
ទី២. ឈ្មោះ ថាច រ៉ុន ភេទប្រុស អាយុ ២៩ឆ្នាំ មុខរបរមិនពិតប្រាកដ មានទីលំនៅភូមិត្រយឹងខ្ពស់ ឃុំលំពង់ ស្រុកបាទី ខេត្តតាកែវ ជាមុខសញ្ញាប្រើប្រាស់សារធាតុញៀនខុសច្បាប់។
និងទី៣. ឈ្មោះ ព្រឿង សុផែ ភេទប្រុស អាយុ ៣៦ឆ្នាំ មុខរបរមិនពិតប្រាកដ មានទីលំនៅភូមិត្រយឹងខ្ពស់ ឃុំលំពង់ ស្រុកបាទី ខេត្តតាកែវ ជាមុខសញ្ញាប្រើប្រាស់សារធាតុញៀនខុសច្បាប់។ ដកហូតបានទូរស័ព្ទ ០១គ្រឿង៕
