រថយន្តមួយគ្រឿងបានឆេះខ្ទេចគ្មានសល់ ខណៈកំពុងបើកបរតាមដងផ្លូវ កាលពីវេលាម៉ោងប្រមាណជិត ៦ព្រឹក ថ្ងៃទី ៣០ ខែធ្នូ ឆ្នាំ២០២០ នៅលើផ្លូវជាតិលេខ៥ ចន្លោះគីឡូម៉ែត្រលេខ ១២៣ -១២៤ នៅឃុំពន្លៃ ស្រុកបរិបូរណ៍ ខេត្តកំពង់ឆ្នាំង ។
សមត្ថកិច្ចបានឲ្យដឹងថា រថយន្តខាងលើនេះ ពាក់ស្លាកលេខ ភ្នំពេញ ២AA -០១៤៤ បើកបរដោយឈ្មោះង៉ែត ទិត្យ ភេទប្រុស អាយុ៣០ឆ្នាំ ដឹកធុងថ្នាំពណ៌សម្រាប់លាបផ្ទះ បានធ្វើដំណើរក្នុងទិសដៅពីកើត ទៅលិច ។ នៅពេលមក
ដល់ចំណុចកើតហេតុ ស្រាប់តែរថយន្តនេះបានឆ្លងចរន្តឆេះហុយទ្រលោមបង្ករការភ្ញាក់ផ្អើលដល់ប្រជាពលរដ្ឋនិងត្រូវបានសមត្ថកិច្ចនគរបាលស្រុកបរិបូរណ៍យករថយន្តពន្លត់អគ្គិភ័យចេញជួយអន្តរាគមន៍ពន្លត់ផងដែរ។
សមត្ថកិច្ចបានបញ្ជាក់ថា នៅក្នុងរថយន្តនេះមានដឹកតែថ្នាំពណ៌ត្រូវភ្លើងឆេះទាំងស្រុង សរុបថវិកាប្រមាណជាង២ម៉ឺនដុល្លា តែមិនបង្ករឲ្យគ្រោះថ្នាក់ដល់អ្នកបើកបរនោះទេ៕
