ខេត្តតាកែវ ៖ លោក វឿន ដែលគេស្គាល់ថាជាថៅកែគ្រឿងចក្ររកស៊ីកាយអាចមន៍ដីលក់ ចាស់វស្សា នៅខេត្តតាកែវ កំពុងញាប់ដៃញាប់ជើងក្នុងរបររបស់ខ្លួនលើដីចំណីបឹងតាកែវមួយផ្នែក ជាដីរបស់រដ្ឋ ដោយសំអាងមានអាជ្ញាប័ណមួយសន្លឹកដែលអះអាងថា អាជ្ញាធរចេញឲ្យខ្លួនសម្រាប់កាយធ្វេីអាជីវកម្ម។
ពលរដ្ឋសំណូមពរទៅអាជ្ញារធរនិងមន្ត្រីជំនាញខេត្តតាកែវ ចុះត្រួតពិនត្យមេីលផងនូវទីតាំងរណ្តៅដីមួយកន្លែងដែលឈ្មួញកំពុងកាយអាចមន៍ដីលក់ ដែលមានគ្រឿងចក្រ ចេញ ចូល កាយដីចំណីបឹងតាកែវ មួយផ្នែកដូចហែរកឋិន។ ប្រភពពីពលរដ្ឋថា មានថៅកែគ្រឿងចក្រម្នាក់ដែលគេស្គាល់ថា ឈ្មោះ វឿន ពៅ ហៅ លោក វឿន កំពុងយកគ្រឿងចក្រចូលកាយដីចំណីបឹងដឹកលក់យ៉ាងអាណាធិបតេយ្យស្ទើតែក្លាយជាជារណ្តៅគ្រប់ផ្លោងទៅហើយ នៅចំណុចភូមិជ្រេស សង្កាត់រកាក្នុង ក្រុងដូនកែវ ខេត្តតាកែវ ។
ប្រជាពលរដ្ឋសំណូមពរទៅអាជ្ញាធរពាក់ព័ន្ធ បើសិនជាចេញច្បាប់ឲ្យគេកាយដីលក់ធ្វេីអាជីវកម្ម សូមចុះទៅពិនិត្យមេីល ផង ថាតេីក្រុមគ្រឿងចក្រ ធ្វេីអាជីវកម្មស្របតាមច្បាប់និងកិច្ចសន្យាដែរឬទេ ? ពិសេសមេត្តាប្រាប់ក្រុមគ្រឿងចក្រទាំងអស់នោះផង កុំបើកបរលឿនៗពេក ពេលដឹកដីលក់ និងមានការគ្របរថយន្តផង កុំឲ្យធ្លាក់ដីពេញផ្លូវ ព្រោះអាចបង្ករគ្រោះថ្នាក់ដល់អ្នកដំណើរដទៃទៀត៕
