យោងតាមសេចក្តីរាយការណ៍ពីប្រជាពលរដ្ឋរស់នៅក្នុងស្រុកព្រៃកប្បាសបានឲ្យដឹងថា បច្ចុប្បន្ននេះមានយានដ្ឋានកែច្នៃរថយន្តជាច្រើន ត្រូវគេបើកនៅក្នុងស្រុកព្រៃកប្បាស ដោយយានដ្ឋានខ្លះពុំមានច្បាប់អនុញ្ញាតនោះទេ។
យានដ្ឋានកែច្នៃរថយន្តទាំងនេះ បានកើតមានព្រោងព្រាតនៅក្នុងភូមិសាស្រ្តស្រុកព្រៃកប្បាស ខណៈដែលក្រសួងសាធារណការ និងដឹកជញ្ជូន កំពុងតែរឹតបន្តឹង និងហាមឃាត់មិនឲ្យមានការទីតាំងកែច្នៃរថយន្តខុសលក្ខណៈបច្ចេកទេស ដែលអាចបង្កគ្រោះថ្នាក់ ឬធ្វើឲ្យខូចខាតដល់ផ្លូវនោះ។
ចំពោះករណីនេះ លោក ញ៉ែម ស្រស់ អភិបាលស្រុកព្រៃកប្បាស បានថ្លែងថា លោកមិនបានដឹងនោះទេ ហើយថា លោកនឹងចុះទៅពិនិត្យ និងបោសសម្អាតយានដ្ឋានកែច្នៃរថយន្តខុសច្បាប់ទាំងនោះនៅថ្ងៃស្អែកនេះហើយ៕
