តាមសេចក្តីជូនដំណឹងរបស់ក្រសួងសុខាភិបាលកម្ពុជានៅព្រឹកថ្ងៃទី៧ ធ្នូនេះបានបង្ហាញថា នៅថ្ងៃនេះគេបានរកឃើញករណីវិជ្ជមានវីរុសកូវីដ១៩ ដែលជាករណីឆ្លងក្នុងសហគមមន៍ចំនួន២នាក់។
ក្នុងនោះម្នាក់ គឺជាបុរសជនជាតិខ្មែរអាយុ២១ឆ្នាំ ស្នាក់នៅជិតវត្តសន្សំកុសល ធ្លាប់ស្នាក់នៅជាមួយបុរសអ្នកជំងឺកូវីដ១៩ ដែលធ្វើការនៅ Pedro ផ្លូវព្រះសីហនុ។
ចំណែកម្នាក់ទៀត គឺជាស្រ្តីអាយុ២៩ឆ្នាំ ស្នាក់នៅសង្កាត់ចាក់អង្រែលើ ខណ្ឌមានជ័យ ជាមន្រ្តីរាជការនៅក្រសួងមហាផ្ទៃ បានចូលក្នុងហាង Zendo បឹងកេងកង កាលពីថ្ងៃទី២៧ ខែវិច្ឆិកា ឆ្នាំ២០២០៕
