ខេត្តតាកែវ ៖ ពលរដ្ឋក្រុងដូនកែវ ខេត្តតាកែវ កេីតមន្ទិលសង្ស័យ លេីមន្ត្រីជំនាញពាក់ព័ន្ធ នឹងហួសចិត្តក្រោយឃេីញប្រេងឆា រាប់រយប៊ីដុងក្អួតចេញពីរថយន្តសាំយ៉ុង ក្នុងហេតុការណ៍គ្រោះថ្នាក់ចរាចរណ៍មួយ កាលពីរសៀលថ្ងៃទី១៤កុម្ភៈម្សិលមិញ។
អ្វីដែលពលរដ្ឋហួសចិត្តកេីតមន្ទិលសង្ស័យនោះ គឺប្រេងឆាទាំងអស់គ្មានស្លាកយីហោក្រុមហ៊ុនផលិត នឹងឈ្មោះផលិតផលនោះទេ ហេីយប្រេងឆាទាំងអស់ត្រូវបានច្រកចូលប៊ីដុងចំណុះ៣០លីត្រដូចៗគ្នា ដឹកតាមរថយន្តសាំយ៉ុងឆ្លងកាត់ខេត្តតាកែវ ទិសដៅចូលរាជធានីភ្នំពេញ។ តេីអាចទេ ជាផលិតផលនាំចូលដោយខុសច្បាប់ នឹងមានផលប៉ះពាល់ដល់សុខភាពអ្នកទិញយកទៅទទួលទាន?
នេះជាកង្វល់ដែលពលរដ្ឋជាច្រេីនបានលេីកឡេីង តាមការបង្ហេីបពីសមត្ថកិច្ចខេត្តតាកែវ សុំមិនបញ្ចេញឈ្មោះ បានប្រាប់ថា រថយន្តដែលជួបគ្រោះថ្នាក់ចរាចរណ៍ពីម្សឹលមិញ គឺបានដឹកប្រេងឆាចំនួន២០០ប៊ីដុង ដោយមួយប៊ីដុងចំណុះ៣០លីត្រ។ ដោយឡែកប្រភពច្បាស់ការមួយទៀតបង្ហេីបដែរថា ប្រេងឆាទាំងអស់ដែលដឹកតាមប៊ីដុងគ្មានស្លាកយីហោទាំងនេះ គឺគេដឹកយកទៅដាក់ឃ្លាំងនៅរាជធានីភ្នំពេញ នឹងបន្តច្រកចូលក្នុងដប ឬប៊ីដុងដែលមានស្លាកយីហោក្រុមហ៊ុនត្រឹមត្រូវ ទេីបបន្តដាក់លក់ចែកចាយលេីទីផ្សារ៕
