យោងតាមសេចក្តីរាយការណ៍ពីពលរដ្ឋនៅរសៀលថ្ងៃទី១៣ ខែមករា ឆ្នាំ២០២៥ មានប្រជាកសិករជាច្រើនបានជិះគោយន្តប្រមូលផ្ដុំគ្នា និងតវ៉ា ព្រមទាំងមានការបិទកំណាត់ផ្លូវជាតិលេខ៥ ស្ថិតក្នុងឃុំកូនខ្លុង ស្រុកមោងឫស្សី ខេត្តបាត់ដំបង ដោយសារតម្លៃស្រូវចុះថោក។
លោក ស គឹមឡុង អធិការនគរបាលស្រុកមោងឫស្សី បាននិយាយថា ប្រជាកសិករជាច្រើនបានប្រមូលផ្ដុំគ្នាដោយបានប្រើប្រាស់គោយន្តបិទកំណាត់ផ្លូវជាតិ៥ ដើម្បីសំណូមពរឱ្យថ្នាក់ដឹកនាំខេត្ត ព្រមទាំងមន្ត្រីជំនាញកសិកម្ម មានវិធានការដោះស្រាយចំពោះបញ្ហាតម្លៃស្រូវចុះថោក។
យ៉ាងណាក៏ដោយក្រោយមានការសម្របសម្រួលពីអាជ្ញាធរ ប្រជាកសិករបាននាំគ្នារំសាយការបិទផ្លូវបិទផ្លូវហើយនៅរសៀលថ្ងៃដដែល៕
