នគរបាលច្រកទ្វារអាកាសយានដ្ឋានអន្តរជាតិខេត្តព្រះសីហនុ កាលពីថ្ងៃអង្គារកន្លងទៅនេះ បានធ្វើការបណ្តេញជនជាតិចិន ចំនួន៨នាក់ ឲ្យចេញពីកម្ពុជាតាមជើងយន្តហោះចេញលេខ ZA493 (KOS-CTU)។
ជនជាតិចិនទាំង៨នាក់នេះ មាន ១.ឈ្មោះ MA QING LAI ភេទប្រុស អាយុ ៤៧ឆ្នាំពាក់ព័ន្ធនឹងបទល្មើសអំពើលួច, ២. ឈ្មោះ ZOU XIANG ភេទប្រុស អាយុ ២៨ឆ្នាំ ពាក់ព័ន្ធនឹងបទល្មើស ជួញដូរដោយខុសច្បាប់នៅសារធាតុញៀន, ៣. ឈ្មោះ LI YIBO ភេទប្រុស អាយុ ២៥ឆ្នាំ, ៤. ឈ្មោះ YU ZHIN QING ភេទប្រុស អាយុ ២៩ឆ្នាំ, ៥. ឈ្មោះ XIN LONG ភេទប្រុស អាយុ ៣២ឆ្នាំ ពាក់ព័ន្ធនឹងបទល្មើស ប្រើប្រាស់ដោយខុសច្បាប់នៅសារធាតុញៀន, ៦. ឈ្មោះ DU CHUN MEI ភេទស្រី អាយុ ៣២ឆ្នាំ, ៧. ឈ្មោះ LI LUSHAN ភេទស្រី អាយុ ៣៣ឆ្នាំ និង៨. ឈ្មោះ YUAN JIN YAN ភេទស្រី អាយុ ២៦ឆ្នាំ។
សមត្ថកិច្ចបញ្ជាក់ថា ពួកគេត្រូវបណ្តេញចេញឲ្យចេញផុតពីប្រទេសកម្ពុជា ដោយមានប្រថាប់ត្រាហាមចូលព្រះរាជាណាចក្រកម្ពុជា រយៈពេល៣ឆ្នាំ ចំណែកឈ្មោះ MA QING LAI ហាមចូលប្រទេសជាស្ថាពរ៕
