តាមការប្រកាសរបស់ក្រសួងសុខាភិបាលកម្ពុជាបានឲ្យដឹងនៅព្រឹកថ្ងៃទី១៧ វិច្ឆិកានេះថា មានមនុស្សចំនួន២នាក់ បានជាសះស្បើយពីជំងឺកូវីដ១៩ ដោយក្នុងនោះមានម្នាក់ គឺជាអ្នកប៉ះពាល់ក្នុងព្រឹត្តិការណ៍ ៣វិច្ឆិកា គឺ លោក សួស យ៉ារ៉ា តំណាងរាស្រ្តរដ្ឋសភា។
ដោយឡែកអ្នកជាសះស្បើយម្នាក់ទៀត គឺជាស្រ្តីជនជាតិខ្មែរ នៅខេត្តក្រចេះ ជាអ្នកដំណើរមកពីជប៉ុន បន្តជើងហោះហើរនៅកូរ៉េខាងត្បូង។
យ៉ាងណាក៏ដោយ នៅថ្ងៃនេះ កម្ពុជាក៏មានករណីឆ្លងកូវីដ១៩ថ្មីមួយករណីថែមទៀត គឺជាបុរសជនជាតិខ្មែរ-អាមេរិកកាំងអាយុ ៥៦ឆ្នាំ ជាអ្នកដំណើរមកពីអាមេរិក បន្តជើងហោះហើរនៅតៃវ៉ាន់ មកដល់កម្ពុជា នៅថ្ងៃទី១៥ វិច្ឆិកា ២០២០។
ដូច្នេះ សរុបជារួម គិតត្រឹមថ្ងៃទី១៧វិច្ឆិកានេះ កម្ពុជាមានករណីឆ្លងកូវីដ១៩សរុប ៣០៣នាក់ ក្នុងនោះជាសះស្បើយ ២៩១នាក់ និងកំពុងសម្រាកព្យាបាលចំនួន ១២នាក់៕
