កាលពីវេលោម៉ោងប្រមាណជិត៩ព្រឹកថ្ងៃទី១២ ខែវិច្ឆិការ ឆ្នាំ២០២០នេះ នៅត្រង់ចំណុចចន្លោះគីឡូម៉ែត្រលេខ137 និង138 ស្ថិតក្នុងឃុំចំការហ្លួង ស្រុកកំពង់សិលា មានករណីគ្រោះថ្នាក់ចរាចរណ៍មួយកើតឡើងរវាងរថយន្ត HYUNDAI ពាក់ផ្លាកលេខ ព្រះសីហនុ 3A-6958 បើកបរក្នុងទិសដៅពីខេត្តព្រះសីហនុទៅភ្នំពេញ បានបុកជាមួយរថយន្ត HYUNDAI ពណ៍ក្រហមពាក់ផ្លាកលេខ ភ្នំពេញ 2BG-1527 របស់ក្រុមហ៊ុនវីរៈប៊ុនថាំ ដែលបើកបញ្រ្ចាស់ទិសគ្នាបណ្តាលឲ្យអ្នកបើកបររងរបួសធ្ងន់។
ក្រោយកើតហេតុ កម្លាំងជំនាញហៅឡានពេទ្យមកដឹកបញ្ជូនអ្នករងរបួសទៅភ្នំពេញ ចំណែកអ្នកបើករថយន្តធំបានគេចខ្លួនបាត់។
បច្ចុប្បន្នចំពោះមុខវត្ថុតាងទាំងពីរត្រូវបានកម្លាំងជំនាញស្ទួចយកទៅរក្សាទុកនៅអធិការដ្ឋាននគរបាលស្រុកកំពង់សិលាដើម្បីរង់ចាំដោះស្រាយ៕
