ក្រុមប្រឹក្សាអភិវឌ្ឍន៍កម្ពុជា កាលពីពេលថ្មីៗនេះ បានសម្រេចអនុម័តឲ្យគម្រោងកែច្នៃរបស់ក្រុមហ៊ុនចំនួន ២ បើកដំណើរការនៅកម្ពុជា ក្នុងទុនវិនិយោគសរុបជិត ១៣លានដុល្លារ។
គម្រោងទាំង២នោះ រួមមាន ១.គម្រោងបង្កើតរោងចក្រផលិតសំបកកំប៉ុង និងគម្របកំប៉ុង (អាលុយមីញ៉ូម និងដែក) គ្រប់ប្រភេទ ស្នើឡើងដោយក្រុមហ៊ុន SHENGXING ZHONGGUO PHNOM PENH PACKAGING CO., LTD. មានទីតាំងវិនិយោគស្ថិតនៅភូមិព្រៃទទឹង និងភូមិដំណាក់ត្របែក ឃុំត្រពាំងវែង ស្រុកកណ្តាលស្ទឹង មានទុនវិនិយោគប្រមាណ៣៦,៥លានដុល្លារអាមេរិក និងបង្កើតការងារបានចំនួន ១១២នាក់។
២.គម្រោងបង្កើតរោងចក្រកែច្នៃសារាយសមុទ្រ របស់ក្រុមហ៊ុន BAOXINGLONG INTERNATIONAL IMPORT AND EXPORT CO., LTD. ដែលមានទីតាំងវិនិយោគស្ថិតនៅភូមិព្រែកប្រស់ ឃុំទឹកថ្លា ស្រុកព្រៃនប់ ខេត្តព្រះសីហនុ មានទុនវិនិយោគប្រមាណ៦,៣លានដុល្លារអាមេរិក និងអាចបង្កើតការងារបានចំនួន ១៨៨នាក់៕
