បនល្បែងមាន់ជល់តាមអនឡាញ ក្នុងហាងការហ្វេមួយ​កន្លែងស្ថិតក្នុងភូមិត្រពាំងជ្រៅ ឃុំក្រាំងម្កាក់ ស្រុកអង្គស្នួល កំពុងដំណើរការដោយគ្មានការរំខានពីសមត្ថកិច្ចមូលដ្ឋាន

(កណ្តាល) ៖ ទីតាំងបនល្បែងសុីសងមាន់ជល់អនឡាញ ដោយ​លួច​លាក់ក្នុងហាងកាហ្វេមួយ ស្ថិតក្នុងភូមិត្រពាំងជ្រៅ ឃុំក្រាំងម្កាក់ ស្រុកអង្គស្នួល ត្រូវ​គេ​រាយការណ៍ថា កំពុងលេង​យ៉ាងអនាធិបតេយ្យ ដោយ​មិនមានការបង្ក្រាបពីសំណាក់សមត្ថកិច្ចនោះឡើយ ដោយ​គេ​សង្ស័យថា ទីតាំងមួយនោះទំនងជាឆ្នាំងបាយរបស់សមត្ថកិច្ចមូលដ្ឋានផងក៏មិនដឹង ព្រោះថា ប្រជាពលរដ្ឋក្នុងមូលដ្ឋាននេះបានរាយការណ៍​ទៅ​សមត្ថកិច្ច​រាប់មិនភ្លេចហើយ តែហាងកាហ្វេមួយ​នេះ នៅតែបន្តសកម្មភាពលេងល្បែងដោយរលូន។

បើតាម​ប្រភពច្បាស់ការណ៌បានលើឡើងថា បនល្បែងមួយ​នេះ លេងស៊ីសង​ដោយ​មានអ្នកចាញ់​ឈ្នះរាប់លានរៀល​ក្នុងមួយថ្ងៃៗ។

ជាមួយ​គ្នានេះ ពលរដ្ឋដែលរស់នៅក្នុងភូមិត្រពាំងជ្រៅ ឃុំក្រាំងម្កាក់ ស្រុកអង្គស្នួល ខេត្តកណ្តាល ធ្វើការសំណូមពរមកដល់ លោក មាស សំណាង អធិការស្រុក សូមជួយមានវិធានការ ផ្លូវច្បាប់ចំពោះបនល្បែងស៊ីសងខាងលើនេះតាមបទបញ្ជារបស់ក្រសួងមហាផ្ទៃនិងអគ្គស្នងការនគរបាលជាតិ ពិសេសអនុវត្តនូវគោលនយោបាយភូមិឃុំមានសុវត្ថភាព៕

ដោយ:សុិន ខ្វាន់ឆា

ទំនាក់ទំនងព័ត៌មានមាន:010840832