ស្នងការខេត្តមណ្ឌលគិរីថា នឹងបញ្ជាកម្លាំងឲ្យ​បង្ក្រាបសង្វៀនមាន់ជល់ អាប៉ោង ធំជាងគេចំណុចដំណាក់នាគ

ទីតាំងបនល្បែងសង្វៀនមាន់ជល់ អាប៉ោង មួយកន្លែងកំពុងបើកលេងភ្នាល់លុយរាប់ម៉ឺនដុល្លា នៅចំណុចដំណាក់នាគ ស្ថិតនៅសង្កាត់សែនមនោរម្យ ក្រុងសែនមនោរម្យ ខេត្តមណ្ឌលគិរី ដោយ​គេ​មិន​ឃើញ​សមត្ថកិច្ច​ចុះ​ទៅធ្វើការ​បង្រ្កាប​នោះ​ឡើយ។

បើតាម​ពលរដ្ឋរស់​នៅក្រុងសែនមនោរម្យថា ទីតាំងល្បែងខុសច្បាប់ខាងលើនេះ មានប្រជាពលរដ្ឋខ្មែរ និងអ្នកមានលុយមួយច្រើនទៀត បានកែនគ្នាចូលទៅលេងល្បែងភ្នាល់បញ្ជល់មាន់ និងអាប៉ោង នៅចំណុចខាងលើនេះយ៉ាងគរគ្រឹកគរគ្រេងថែមទៀតផង។

ចំពោះករណីនេះ លោក ឡោ សុខា ស្នងការរដ្ឋានខេត្តមណ្ឌលគិរី បានបញ្ជាក់ថា លោកនឹងបញ្ជាកម្លាំងនគរបាលឲ្យចុះទៅមើល ហើយ​នឹង​ធ្វើ​ការ​បង្រ្កាប៕