បាត់ដំបង៖ កាលពីវេលាម៉ោងប្រមាណជិត៩យប់ ថ្ងៃទី ១៥ ខែធ្នូ ឆ្នាំ២០២១ នៅចំណុចភូមិពុកឆ្មា ឃុំអន្លង់វិល ស្រុកសង្កែ ខេត្តបាត់ដំបង លោកវរសេនីយ៍ឯក ឈឿង គឹមសុង នាយការិយាល័យ នគរបាលព្រហ្មទណ្ឌកម្រិតស្រាល។បានដឹកនាំកម្លាំងក្រុមអន្តរាគមន៍ បង្ការ បង្ក្រាប រួមជាមួយកម្លាំងការិយាល័យនគរបាលព្រហ្មទណ្ឌកំរិតស្រាល ចុះប្រតិបត្តិការ បង្ក្រាប ករណីលួចយករថយន្ត ០១ករណី និងបានធ្វេីការនាំខ្លួនជនសង្ស័យចំនួន ០១នាក់ មកកាន់ស្នងការដ្ឋាន ដេីម្បីធ្វើសាកសួរ។
ជនសង្ស័យ ឈ្មោះ អឿន សារិត ភេទប្រុស អាយុ២២ឆ្នាំ មានទីលំនៅភូមិព្រៃដំរី ឃុំព្រៃតូច ស្រុកសង្កែ ខេត្តបាត់ដំបង ។ ហើយវត្ថុតាងដកហូតរួមមាន៖ រថយន្តធុនធំ ០១គ្រឿង ម៉ាក Hyundai ធុនធំ ពណ៌ស-លឿង ស៊េរីឆ្នាំ២០០២ ពាក់ស្លាកលេខ ភ្នំពេញ 3F-1578 ។
សូមបញ្ជាក់ នៅថ្ងៃទី១៥ ខែធ្នូ ឆ្នាំ២០២១ វេលាម៉ោង០៦ និង ៤០នាទី នៅចំណុចភូមិព្រៃដំរី ឃុំព្រៃតូច ស្រុកមោងឫស្សី ខេត្តបាត់ដំបង ជនសង្ស័យខាងលេី បានធ្វេីសកម្មភាព ឡើងបើករថយន្តខាងលេីក្នុងខណៈជនរងគ្រោះឈ្មោះ ទូច ដារ៉ា ភេទប្រុសអាយុ ២៩ ឆ្នាំមានទីលំនៅភូមិពោធ៍ស្វាយមីង ឃុំអំពិលតាពក ស្រុកអូររាំងឪ ខេត្តកំពង់ចាម មកឈប់ដឹកស្រូវនៅទីនោះ។
ក្រោយកេីតហេតុជនរងគ្រោះបានរាយការណ៍មកសមត្ថកិច្ចនគរបាល ហេីយឆ្លងតាមរយៈសេចក្តីរាយការណ៍នេះសមត្ថកិច្ចកំណត់មុខសញ្ញានិងឈានដល់ការឃាត់ខ្លួនតែម្តង។
នៅចំពោះមុខសមត្ថកិច្ចជនសង័្សយខាងលេី បានសារភាពថាខ្លួនពិតជាបានលួចយករថយន្តខាងលេីមែន ដោយសារឃេីញសោរថយន្តនៅទីនោះស្រាប់ ប៉ុន្តែក្រៅពីនោះចម្លេីយរបស់ជនសង័្សយហាក់មិនច្បាស់លាស់សោះអំពីគោលបំណងនៃការធ្វេីសកម្មភាពនេះ សមត្ថកិច្ចធ្វេីតេសរកសារធាតុញៀន ឃេីញមាន(វិជ្ជមាន)សារធាតុញៀននៅក្នុងខ្លួនផង។
ទោះជាយ៉ាងនេះក្តី បច្ចុប្បន្នការិយាល័យជំនាញបានប្រគល់រថយន្ត ០១គ្រឿងខាងលើ ជូនទៅជនរងគ្រោះវិញ រីឯជនសង័្សយបានកសាងសំណុំរឿងបញ្ជូនទៅសាលាដំបូងខេត្តបាត់ដំបងចាត់ការបន្តតាមនីតិវិធីច្បាប់៕
ដោយ: សុិន ខ្វាន់ឆា
ទំនាក់ទំនង: 010840732/061881299