តាមសេចក្តីជូនព័ត៌មានរបស់ក្រសួងសុខាភិបាលកម្ពុជាចេញផ្សាយនៅព្រឹកថ្ងៃទី២៣ ខែមិថុនា ឆ្នាំ២០២០នេះបានឲ្យដឹងថា គេបានរកឃើញវិជ្ជមានករណីវីរុសកូវីដ១៩ មួយករណីថ្មីទៀត ដែលធ្វើឲ្យចំនួនអ្នកមានវីរុសកូវីដ១៩នៅកម្ពុជាសរុបកើនដល់ ១៣០នាក់។
អ្នកជំងឺកូវីដ១៩ដែលទើបរកឃើញថ្មីនេះ គឺជាបុរសខ្មែរមានសញ្ជាតិអាមេរិក អាយុ៦៦ឆ្នាំ មានអាស័យដ្ឋានស្នាក់នៅភូមិដំណាក់ប្រា សង្កាត់ស្ទឹងមានជ័យ ខណ្ឌមានជ័យ រាជធានីភ្នំពេញ ជាអ្នកធ្វើដំណើរមកពីសហរដ្ឋអាមេរិក មកដល់កម្ពុជានៅថ្ងៃទី២១ ខែមិថុនា ឆ្នាំ២០២០។
បច្ចុប្បន្នអ្នកជំងឺរូបនេះ ត្រូវបានដាក់ឲ្យសម្រាកព្យាបាលនៅមន្ទីរពេទ្យមិត្តភាពខ្មែរ-សូវៀតរួចហើយ៕
