ឃាត់ខ្លួនពលករខ្មែរចំនួន ៣៧នាក់ បម្រុងនឹងលួចឆ្លងដែនខុសច្បាប់ចូលទៅប្រទេសថៃ

កាលពីយប់ថ្ងៃទី១២ ខែតុលា ឆ្នាំ២០២១កន្លងទៅនេះ កម្លាំងវរសេនាតូចថ្មើរជើងលេខ៥១៣ ដែលប្រចាំការនៅតាមខ្សែរបន្ទាត់ព្រំដែន ខ្មែរ-ថៃ បានប្រទះឃើញនិងធ្វើការឃាត់ខ្លួនពលករខ្មែរបាន ចំនួន ៣៧នាក់ ក្នុងស្រី ១៨នាក់ នៅត្រង់ចំណុច ភូមិសិលាខ្មែរ ឃុំអូរបីជាន់ ស្រុកអូរជ្រៅ ខេត្តបន្ទាយមានជ័យ ដែលបម្រុងនិងលួចចូលទៅប្រទេសថៃ។

ក្រោយការឃាត់ខ្លួន ពលករទាំងនោះ​ត្រូវបានប្រគល់ជូនកម្លាំជំនាញ ដេីម្បីអនុវត្តទៅតាមច្បាប់៕