ជនរងគ្រោះម្នាក់ដែលត្រូវបានទឹកកួចយកទៅបាត់ ក្នុងកំឡុងពេលភ្លៀងធ្លាក់ខ្លាំងកាលពីព្រលប់ថ្ងៃម្សិលមិញ នៅក្បែរសាលាដុនបូស្កូ ក្នុងភូមិ៥ សង្កាត់លេខ៤ ក្រុងព្រះសីហនុនោះ ឥឡូវនេះត្រូវបានរកឃើញហើយ។
សាកសពជនរងគ្រោះត្រូវបានរកឃើញនៅវេលាម៉ោងប្រមាណ១១ព្រឹកថ្ងៃទី២៥ ខែសីហា នេះ នៅក្នុងភូមិ៤ សង្កាត់លេខ៤។
តាមការសន្និដ្ឋានរបស់សមត្ថកិច្ចថា ជនរងគ្រោះគឺជាជនជាតិចិន មានអាយុប្រមាណជា ៣០ឆ្នាំ។
សូមបញ្ជាក់ដែរថា កាលពីព្រលប់ថ្ងៃម្សិលមិញ មានករណីមនុស្សត្រូវទឹកកួចចំនួន២ករណី ដោយករណីទី១ ស្ថិតនៅក្នុងសង្កាត់លេខ១ ដោយបុរសម្នាក់កំពុងជិះម៉ូតូ ត្រូវទឹកកួចយកទៅ ប៉ុន្តែត្រូវបានជួយសង្រ្គោះដោយប្រជាពលរដ្ឋនៅក្បែរនោះ, និងករណីទី២ ជាករណីទឹកកួចយកមនុស្សចូលទៅក្នុងប្រឡាយនៅក្បែរសាលាដុនបូស្កូ ខណៈបុរសរូបនោះកំពុងដើរ ហើយត្រូវបានរកឃើញសាកសពនៅព្រឹកថ្ងៃនេះ៕