ផ្ទុះកូវីដនៅកន្លែងបន្សាបថ្នាំញៀន “មណ្ឌលជីវីតថ្មីភ្នំបាក់” រកឃើញអ្នកវិជ្ជមាន ៦០១នាក់

រដ្ឋបាលខេត្តបន្ទាយមានជ័យ បានឲ្យដឹងថា នៅថ្ងៃទី១៨ ខែសីហា ឆ្នាំ២០២១ ក្រុមគ្រូពេទ្យនៃមន្ទីរសុខាភិបាលខេត្តបន្ទាយមានជ័យ បានចុះទៅ​ធ្វើតេស្តរហ័ស (Rapid Test) លើយុវជន យុវនារី កំពុងបន្សាបថ្នាំញៀននៅ មណ្ឌលជីវីតថ្មីភ្នំបាក់ ក្រុងសិរីសោភ័ណ សរុប​ចំនួន៦៦០នាក់ ក្នុងនោះរកឃើញអ្នកវិជ្ជមានជំងឺកូវីដ-១៩ចំនួន៦០១នាក់ ក្នុងនោះមានស្រីចំនួន៣០នាក់។

សម្រាប់ករណីផ្ទុះ​កូវីដ​នៅមណ្ឌលបន្សាបគ្រឿងញៀនភ្នំបាក់នេះ គេឃើញ​លោក អ៊ុំ រាត្រី អភិបាលខេត្តបន្ទាយមានជ័យ និងជាប្រធានគណៈបញ្ជាការឯកភាពរដ្ឋបាលខេត្ត បានដឹកនាំកម្លាំងចុះទៅធ្វើ​ការងារនេះដោយផ្ទាល់៕