ទីតាំងហាងកាហ្វេដែលមានយីហោ «អាយី» មានទីតាំងស្ថិតនៅក្នុងបុរីរុងរឿង សង្កាត់ចោមចៅ១ ខណ្ឌពោធិ៍សែនជ័យ ត្រូវប្រជាពលរដ្ឋរាយការណ៍មកថា ទីតាំងនោះមានបង្កប់ល្បែងជល់មាន់តាមទូរទស្សន៍អនឡាញ ដោយគេបើកលេងបានយ៉ាងរលូន គ្មានការរំខានដល់សមត្ថកិច្ចឡើយ បើទោះជាកាលៈទេសៈ នៃការឆ្លងរីករាលដាលជំងឺកូវីត១៩ក៏ដោយ។
តាមប្រភពពីប្រជាពលរដ្ឋថា រាល់ថ្ងៃនេះទីតាំងជល់មាន់ទូរទស្សន៍តាម onlineមួយនេះ បើកលេងហ៊ោកញ្ជ្រៀវគ្មានខ្លាចអ្វីបន្តិចឡើយ ហើយបើកងាកមកមើលអាជ្ញាធរ និងសមត្ថកិច្ចវិញ ក៏មិនឃើញហ៊ានចុះបង្ក្រាបទៀត ដែលនេះប្រហែលជាទីតាំងនោះមានអាថ៌កំបាំងអ្វីនៅពីក្រោយខ្នងហើយ ទើបបានជាសមត្ថកិច្ចមិនហ៊ានបង្ក្រាបយ៉ាងដូចនេះ។
យ៉ាងណាក៏ដោយ ប្រជាពលរដ្ឋសំណូមពរដល់លោក ម៉ន វុទ្ធី អធិការខណ្ឌពោធិ៍សែនជ័យ និងលោក ហែម ដារិទ្ធិ អភិបាលខណ្ឌពោធិ៍សែនជ័យ សូមមេត្តាមានចំណាត់ការទៅលើទីតាំងល្បែងមួយនេះផង ដើម្បីចូលរួមចំណែកពីសុខទុក្ខប្រជាពលរដ្ឋ និងទប់ស្កាត់ការរីករាលដាលនៃជំងឺកូវី១៩៕