យោងតាមសិល្បកមួយចំនួនបានបង្ហោះនៅលើបណ្តាញសង្គមបញ្ជាក់ថា អ្នកនាង ស៊ិន ឧត្តមផល្លា ដែលជាអតីតតារាចម្រៀងល្បីមួយរូបកាលពីជំនាន់ទស្សវត្សរ៍ទី៩០ បានទទួលមរណភាពហើយ នៅព្រឹកថ្ងៃទី២៨ ខែឧសភា ឆ្នាំ២០២១នេះ ដោយសារជំងឺមហារីកកូនកណ្ដុរ។
គួរបញ្ជាក់ដែរថា កាលពីចុងខែមេសា ឆ្នាំ ២០២១ កន្លងមក តារាចម្រៀង ស៊ិន ឧត្តមផល្លា បានបង្ហាញរូបភាពជាច្រើនសន្លឹកដែលនាងកំពុងគេងស្តូកស្តឹងនៅក្នុងមន្ទីរពេទ្យ ដែលធ្វើឲ្យមហាជន និងអ្នកសិល្បៈមួយចំនួនសម្តែងការស្លុតចិត្តយ៉ាងខ្លាំង។
នាងបានបង្ហើបថា នាងកំពុងរស់នៅជាមួយជំងឺមហារីកដំណាក់កាលចុងក្រោយ ដោយកន្លងមកនាងធ្លាប់បានព្យាបាលដោយកាបាញ់គីមីប្រមាណជា ៣៥ ដង មកហើយ ក៏បានធូរស្បើយវិញ ប៉ុន្តែទើបតែបាន ២ ខែ ជំងឺមហារីកនេះបានរាលដាលទៅដល់ខួរក្បាលរបស់នាង៕