កាលពីរំលងអធ្រាត្រឈានចូលថ្ងៃទី១៩ ខែឧសភា ឆ្នាំ២០២១នេះ កម្លាំងស្នងការដ្ឋាននគរបាលរាជធានីភ្នំពេញ បានឆ្មក់បង្ក្រាប និងឃាត់ខ្លួនជនជាតិចិន និងវៀតណាមជាង៦០នាក់ ដែលពួកគេលួចជួបជុំផឹកស៊ី និងប្រើប្រាស់គ្រឿងញៀន នៅក្នុងអគារខុនដូរមួយកន្លែងក្នុងសង្កាត់បឹងកេងកង២ ខណ្ឌបឹងកេងកង ដែលល្មើសនឹងវិធានការរដ្ឋបាលរាជធានីភ្នំពេញ។
ក្រោយធ្វើការឃាត់ខ្លួន ពួកគេត្រូវបានបញ្ជូនទៅកាន់ការិយាល័យជំនាញ នៃស្នងការដ្ឋាននគរបាលរាជធានីភ្នំពេញ ទាំងយប់ ដើម្បីកសាងសុំណុំរឿងចាត់ការបន្តតាមច្បាប់៕
