កាលពីល្ងាចថ្ងៃទី១៦ ខែឧសភា ឆ្នាំ២០២១ នៅតាមបណ្ដោយផ្លូវជាតិលេខ៣ ស្ថិតក្នុងសង្កាត់ពងទឹក ខណ្ឌដង្កោ បុរសម្នាក់ដែលមានឈ្មោះ អែមវីន អាយុ២២ឆ្នាំ មានស្រុកកំណើតនៅខេត្តតាកែវ បានស្លាប់ភ្លាមៗនៅកន្លែងកើតហេតុ ក្រោយពីបានដំណើរពីខេត្តតាកែវ ទៅកន្លែងធ្វើការនៅរោងចក្រចំការព្រីង ក្នុងខណ្ឌសែនសុខ បន្ទាប់ពីមានរថយន្តជនជាតិចិនមួយគ្រឿងបានបុក។
មុនពេលកើតហេតុគេឃើញបុរសជនជាតិ៣នាក់ បានជិះរថយន្ដ ពណ៌ស ពាក់ស្លាកលេខភ្នំពេញ 2BI-5708 បើកបរតាមបណ្តោយផ្លូវជាតិលេខ៣ក្នុងល្បឿនយ៉ាងលឿនទិសដៅពីត្បូងមកជើង ។ខណះមកដល់ចំណុចកើតហេតុក៏បានបត់បញ្ច្រាស់ផ្លូវ ហើយក៏បុករះម៉ូតូបីគ្រឿង បណ្តាលឲ្យបុរសម្នាក់ស្លាប់ភ្លាមៗនៅនឹងកន្លេងកើតហេតុ ចំណែកមនុស្សប្រុសស្រី ៣នាក់ទៀតរងរបួស ធ្ងន់ស្រាលត្រូវបានដឹកយកទៅសង្គ្រោះនៅមន្ទីរពេទ្យ ហើយអ្នកបើករថយន្ដបង្ក(ជនជាតិចិន)ត្រូវបានសមត្ថកិច្ចឃាត់ខ្លួនបានទាំង៣នាក់។
សមត្ថកិច្ចមូលដ្ឋានបានធ្វើការទាក់ទងទៅសមត្ថកិច្ចជំនាញធ្វើការវាស់វែងយកវត្ថុតាងទាំងអស់ ទៅរក្សាទុកនៅការិយាល័យចរាចរជើងគោកនៃស្នងការរាជធានីភ្នំពេញ រង់ចាំដោះស្រាយនៅពេលក្រោយ។ រីឯសពជនរងគ្រោះសមត្ថកិច្ចបានប្រគល់ឲ្យសាច់ញាតិយកទៅធ្វើបុណ្យតាមប្រពៃណី៕
