បើតាមការប្រកាសរបស់អនុគណកម្មការស្រាវជ្រាវជំងឺកូវិដ១៩ បានឲ្យដឹងនៅព្រឹកមិញថា ពេលនេះ អាជីវករនៅផ្សារអូរឬស្សី ដែលត្រូវរកឃើញវិជ្ជមានកូវីដ-១៩ បានកើនឡើងដល់៣៦នាក់ហើយ បន្ទាប់ពីរកឃើញ ២០នាក់ បន្ថែមទៀត។
ជាមួយគ្នានេះ អនុគណកម្មការស្រាវជ្រាវជំងឺកូវិដ១៩ បានធ្វើការអំពាវនាវដល់ប្រជាពលរដ្ឋ អ្នកធ្លាប់ចេញចូល អ្នកលក់នៅផ្សារអូរឬស្សី ឬអ្នកចេញចូល ជាប្រចាំ ឬ ញឹកញាប់ ទាំងអស់ ប្រសិនបើមានរោគសញ្ញាដូចជា៖ គ្រុនក្ដៅ, ក្អក, កណ្ដាស់, ឈឺបំពង់ក ឬដកដង្ហើមខ្លីៗ ឬ សង្ស័យ សូមមេត្តាប្រញាប់ ទៅធ្វេីតេស្តរកមេរោគ កូវីដ១៩ នៅទីតាំងដែលបានកំណត់។
ហើយសម្រាប់អ្នកដែលគ្មានរោគសញ្ញា សូមដាក់ខ្លួនដាច់ដោយឡែក និងតាមដានសុខភាពរបស់ខ្លួនរយៈពេល ១៤ ថ្ងៃ ចាប់ពីថ្ងៃដែលអ្នកបានប៉ះពាល់ ឬទៅទីកន្លែងនោះ៕
