អ្នកនាំពាក្យកងរាជអាវុធហត្ថលើផ្ទៃប្រទេស បានបញ្ជាក់ថា លោកឧត្តមសេនីយ៍ត្រី សូ សុវណ្ណឌី មេបញ្ជាការកងរាជអាវុធហត្ថខេត្តពោធិ៍សាត់ បានទទួលមរណភាព កាលពីវេលាម៉ោង២និង២០នាទីអធ្រាត្រ ឈានចូលថ្ងៃទី០៤ ខែមេសា ឆ្នាំ២០២១កន្លងទៅនេះ ដោយរោគាពាធ (ជំងឺគាំងបេះដូង) ក្រោយពីបានបញ្ជូនដល់មន្ទីរពេទ្យកាលម៉ែត្រ។
សូមបញ្ជាក់ថា លទ្ធផលពិនិត្យសំណាករោគកូវីដ១៩ គឺ “អវិជ្ជមាន”។
ជាមួយនឹងមរណភាពនេះ កងរាជអាវុធហត្ថ បានសម្តែងនូវការសោកស្ដាយ ហើយក៏សូមចូលរួមរំលែកទុក្ខយ៉ាងក្រៀមក្រំបំផុត ជាមួយក្រុមគ្រួសារនៃសព និងសូមវិញ្ញាណក្ខន្ត លោកឧត្តមសេនីយ៍ត្រី សូ សុវណ្ណឌី មេបញ្ជាការកងរាជអាវុធហត្ថខេត្តពោធិ៍សាត់ ទទួលបានបរមសុខ និងកាន់សុគតិភព៕