កាលពីពេលថ្មីៗនេះ មានការចែកចាយនៅក្នុងបណ្តាញសង្គមហ្វេសប៊ុក ទាក់ទងនឹងរូបភាពជាច្រើនសន្លឹក ដែលបង្ហាញពីសកម្មភាពរបស់តារាចម្រៀងជើងចាស់ដ៏ល្បីឈ្មោះ លោក ណយ វ៉ាន់ណេត កំពុងតែធ្វើសំណង់រៀបឥដ្ឋជញ្ជាំងផ្ទះ ដែលធ្វើឲ្យមហាជនមានការភ្ញាក់ផ្អើលយ៉ាងខ្លាំង។
ជុំវិញករណីនេះ លោក អ៉ឹម ជីវ៉ា ដែលបានចុះទៅជួបផ្ទាល់ជាមួយលោក ណយ វ៉ាន់ណេត បានឲ្យដឹងថា ការពិតបងប្រុសណយ វ៉ាន់ណេត មិនបានធ្លាក់ខ្លួនធ្វើកម្មករសំណង់ដូចគេយកមកផុសឬយកមកផ្សាយឡើយ គឺពេលនេះបងប្រុសណយ វ៉ាន់ណេត កំពុងរស់នៅយ៉ាងមានក្តីសុខ ជាមួយក្រុមគ្រួសារ និងកូនដែលមានផ្ទះរហូតដល់បីកន្លែង ទីមួយវីឡាកូនកាត់នៅខាងត្បូង វត្តជំពូកក្អែក និងវិឡារទី២គឺនៅខាងមុខវត្តនិរោធ និងផ្ទះល្វែងទី៣ នៅវាលស្បូវ ហើយគាត់មានដីនៅខេត្តកំពង់ស្ពឺ។
ក្នុងនោះ អ្វីដែលបងប្អូនឃើញរូបគាត់បង្ហោះធ្វើសំណង់នោះគឺគាត់ជួយធ្វើដំបូលផ្ទះខាងលើឲ្យកូនគាត់ដោយសារគាត់ខ្ចិលជួលជាងនាំអស់លុយច្រើន ព្រោះលោក ណយ វ៉ាន់ណេត គាត់ចេះផ្នែកសាង់សង់ដែរគឺគាត់អាចធ្វើបាន ផ្ទះដែលគាត់ធ្វើនោះគឺធ្វើទុកអោយកូនគាត់រស់នៅ ហើយពេលនេះ លោក ណយ វ៉ាន់ណេត មានជីវភាពធូធាមិនខ្វះខាត មិនធ្វើជាកម្មករសំណង់ដូចគេនិយាយឡើយ៕
