សារមន្ទីរដែលត្រូវបានបិទ ដើម្បីបង្ការការពារការឆ្លងរាលដាលនៃជំងឺកូវីដ១៩នោះ ឥឡូវនេះ រាជរដ្ឋាភិបាលបានសម្រេចឲ្យបើកដំណើរការឡើងវិញហើយ ដោយផ្តើមនៅដើមខែមិថុនាខាងមុខ។
យ៉ាងណាក៏ដោយ បើតាមលិខិតរបស់រដ្ឋមន្រ្តីក្រសួងសុខាភិបាល ផ្ញើទៅកាន់រដ្ឋមន្រ្តីក្រសួងវប្បធម៌ និងវិចិត្រសិល្បៈបានបញ្ជាក់ថា មុនពេលបើកដំណើរការនេះ គឺត្រូវតែរៀបចំវិធានការការពារធានាឲ្យរួចជាមុន ដើម្បីចៀសវាងនូវហានិភ័យ នៃការចម្លងវីរុសកូវីដ១៩ ដូចជាការស្កេនកំដៅភ្ញៀវមុនអនុញ្ញាតឲ្យចូលទស្សនា មានប្រើអាល់កុល ឬជែលលាងដៃ នឹងត្រូវរៀបចំឲ្យមានគម្លាតសុវត្ថិភាពបុគ្គល ព្រមទាំងត្រូវពាក់ម៉ាស់ ហើយត្រូវអនុវត្តឲ្យបានគ្រប់បុគ្គល និងមិនត្រូវអនុញ្ញាតឲ្យភ្ញៀវ ឬបុគ្គលណាម្នាក់ដែលមានបញ្ហាសុខភាព ឬសង្ស័យចូលទស្សនាសារមន្ទីរឡើយ៕
