ក្រសួងសុខាភិបាលកម្ពុជាបានឲ្យដឹងនៅក្នុងសេចក្តីជូនដំណឹងនៅព្រឹកថ្ងៃទី១ ខែមីនា ឆ្នាំ២០២១នេះថា គេបានរកឃើញករណីវិជ្ជមានវីរុសកូវីដ១៩ចំនួន១៥នាក់ទៀត ក្នុងនោះមាន ១នាក់ជាករណីនាំចូល និង១៤នាក់ពាក់ព័ន្ធនឹងព្រឹត្តិការណ៍សហគមន៍ ២០កុម្ភៈ។
បើតាមក្រសួងសុខាភិបាល គិតត្រឹមព្រឹកថ្ងៃនេះ កម្ពុជាមានអ្នកជំងឺកូវីដ១៩សរុបចំនួន ៨២០នាក់ ក្នុងនោះអ្នកជំងឺក្នុងព្រឹត្តិការណ៍សហគមន៍ ២០កុម្ភៈ មានចំនួន ៣១៦នាក់។
