ក្រសួងធនធានទឹក និងឧតុនិយម បានជូនដំណឹងនៅព្រឹកថ្ងៃតី២៣ ខែកុម្ភៈ ឆ្នាំ២០២១នេះថា បច្ចុប្បន្នប្រទេសកម្ពុជាបាននឹងកំពុងស្ថិតក្នុងស្ថានភាពកម្រិតសម្ពាធទាបខ្សោយ ជាមួយនិងការបម្រែបម្រួលទិសខ្យល់។
ស្ថានភាពបែបនេះនឹងធ្វើឲ្យ បណ្តាខេត្តនៅតំបន់វាលទំនាបកណ្តាល សីតុណ្ហភាពអាចមានពី ២២ ទៅ ៣៦អង្សាសេ ព្រមទាំងមានភ្លៀង ពីផ្សែងក្រូច ទៅខ្សោយ។
បណ្តាខេត្តជាប់ជួរភ្នំដងរែក និងខ្ពង់រាបឦសាន សីតុណ្ហភាពមានពី ២១ ទៅ ៣៦អង្សាសេ និងអាចមានភ្លៀងពីផ្សែងក្រូច ទៅខ្សោយ។
រីឯតំបន់មាត់សមុទ្រ សីតុណ្ហភាពមានពី ២១ ទៅ ៣៤អង្សាសេ ហើយអាចមានភ្លៀងពីផ្សែងក្រូច ទៅខ្សោយ៕
