តាមការប្រកាសរបស់ក្រសួងសុខាភិបាលឲ្យដឹងថា ក្រោយពីទទួលបានវ៉ាក់សាំងការពារជំងឺកូវីដ១៩ ពីប្រទេសចិនកាលពីថ្ងៃទី៧ កុម្ភៈ ក្រសួងសុខាភិបាលនឹងរៀបចំការចាក់វ៉ាក់សាំងនេះ នៅថ្ងៃទី១០ ខែកុម្ភៈ ឆ្នាំ២០២១ខាងមុខសម្រាប់ឥស្សរជនជាន់ខ្ពស់ និងអ្នកសារព័ត៌មានដែលមានអាយុចាប់ពី ១៨ឆ្នាំ ដល់ ៥៩ឆ្នាំ ដោយការស្ម័គ្រចិត្ត។
សម្រាប់ទីតាំងចាក់វ៉ាក់សាំងគឺ៖
១. មន្ទីរពេទ្យកាល់ម៉ែត្រ សម្រាប់ឥស្សរជនជាទេសរដ្ឋមន្រ្តី រដ្ឋមន្រ្តី រដ្ឋលេខាធិការ ឬមានឋានស្មើ
២. មន្ទីរពេទ្យព្រះអង្គឌួង សម្រាប់ឥស្សរជន ជាអនុរដ្ឋលេខាធិការ ឬមានឋានៈស្មើ
៣. មន្ទីរពេទ្យមិត្តភាពខ្មែរ-សូវៀត សម្រាប់ឥស្សរជន ជាអភិបាលរាជធានី-ខេត្ត
៤. មន្ទីរពេទ្យកុមារជាតិ សម្រាប់អ្នកសារព័ត៌មាន៕
