តាមសេចក្តីប្រកាសព័ត៌មានរបស់ក្រសួងសុខាភិបាលចេញផ្សាយនៅព្រឹកថ្ងៃទី២៩ ខែមករា ឆ្នាំ២០២១បានបញ្ជាក់ថា មានមនុស្សចំនួន១០នាក់បានជាសះស្បើយពីជំងឺកូវីដ១៩ ក្នុងនោះមានពលករត្រឡប់មកពីថៃចំនួន៨នាក់ និងអ្នកដំណើរចូលកម្ពុជាចំនួន២នាក់។
ជាមួយគ្នានេះដែរ គេក៏បានរកឃើញករណីវិជ្ជមានវីរុសកូវីដ១៩ថ្មីចំនួន ២នាក់បន្ថែមទៀតដែរ គឺជា ម្នាក់ជាស្រ្តីពលករធ្វើដំណើរមកពីប្រទេសថៃ ស្នាក់ឃុំស្ទឹងកាច់ ស្រុកសាលាក្រៅ ខេត្តប៉ៃលិន និងម្នាក់ទៀត ជាស្រ្តីអាយុ៦០ឆ្នាំ ស្នាក់នៅស្រុកបាភ្នំ ខេត្តព្រៃវែង ជាអ្នកដំណើរមកពីប្រទេសកូរ៉េខាងត្បូង៕
