តាមសេចក្តីជូនដំណឹងរបស់អង្គភាពប្រឆាំងអំពើពុករលួយ (ACU) ចេញផ្សាយកាលពីថ្ងៃទី២៦ ខែមករា ឆ្នាំ២០២១ បានឲ្យដឹងថា គិតមកទល់ពេលនេះ ខ្លយនទទួលបានឯកសារប្រកាសទ្រព្យសម្បត្តិ និងបំណុល សរុបចំនួន ២៤,៣៧២ច្បាប់ហើយ។
ក្នុងនោះមានមន្រ្តីពីក្រសួងស្ថាប័នមានចំនួន១១ និងរាជធានីខេត្តមានចំនួន ១៦។
ACU បានបញ្ជាក់ថា ខ្លួននៅបន្តរង់ចាំឯកសារប្រកាសទ្រព្យសម្បត្តិរយៈពេល ៧ថ្ងៃក្នុងមួយសប្តាហ៍ ដោយមិនឈប់សម្រាកថ្ងៃសៅរ៍ អាទិត្យ និងថ្ងៃបុណ្យឡើយ ពីម៉ោង៨ព្រឹក ដល់ម៉ោង៥ល្ងាច។
សូមបញ្ជាក់ថា ការប្រកាសទ្រព្យសម្បត្តិ និងបំណុល ដែលនឹងធ្វើនៅក្នុងឆ្នាំ២០២១នេះ គឺផ្តើមពីថ្ងៃទី០១ រហូតដល់ថ្ងៃទី៣១ ខែមករា ឆ្នាំ២០២១៕
