ជនជាតិចិនចំនួន ៧ នាក់ និងជនជាតិកូរ៉េ ចំនួន ៣ នាក់ ត្រូវបានសមត្ថកិច្ចនគរបាល ក្រសួងមហាផ្ទៃ ឃាត់ខ្លួនកាលពីរសៀល ថ្ងៃទី២៣ ខែវិច្ឆិកា ឆ្នាំ២០២០ម្សិលមិញ នៅបុរីប៉េងហួត ក្នុងភូមិបឹងឈូក សង្កាត់និរោធ ខណ្ឌច្បារអំពៅ ក្រោយពីរកឃើញថា ពួកគេលួចបើកល្បែងស៊ីសងតាមអនឡាញ។
សមត្ថកិច្ចបានឲ្យដឹងថា ការបង្ក្រាបនេះ ធ្វើឡើងនៅ ២ ទីតាំងផ្សេងគ្នា តែស្ថិតក្នុងបុរីតែមួយ ពោលគឺបង្ក្រាប នៅចំណុចផ្ទះលេខ១៤ ក្នុងគំរោង១០ ឃាត់ខ្លួនបានជនជាតិចិនចំនួន៧នាក់ និងមួយទីតាំងទៀត ស្ថិតក្នុងផ្ទះលេខ៩៨ ក្នុងគំរោង១០ ឃាត់ខ្លួនជនជាតិកូរ៉េ ចំនួន ៣ នាក់។
ក្រោយការបង្រ្កាបតុលាការសម្រេចបិទទ្វារ ទីតាំងទាំង២ ហើយជនបរទេស ទាំងអស់ ត្រូវបានបញ្ជូនទៅធ្វើការសាកសួរ នៅក្រសួងមហាផ្ទៃ៕
