ខេត្តតាកែវ៖ ក្រោយមានរឿងឃាតកម្មអចេតនាចាក់ថ្នាំខុសបច្ចេកទេសរបស់ម្ចាស់គ្លីនិកសម្រាកព្យាបាលនិងសម្ភពសុងហាក់ម៉ារីណា ស្ថិតនៅភូមិបឹងបញ្ញាគុក ឃុំត្រពាំងក្រសាំង ស្រុកបាទី ខេត្តតាកែ បណ្តាលឱ្យស្ត្រីវ័យជាង៤០ឆ្នាំម្នាក់ស្លាប់បាត់បង់ជីវិតនឹងបានយកសពទៅប្លុងចោលមិនទទួលខុសត្រូវ ទេីបដឹងថា គ្លីនិកខាង លើនេះ បេីកដោយគ្មានច្បាប់អនុញ្ញាត។
បន្ទាប់ពីធ្លាយករណីបេីកគ្លីនិកគ្មានច្បាប់នៅស្រុកបាទី ក្រុងដូនកែវវិញ មន្ទីរសុខាភិបាលខេត្ត និងអាជ្ញាធរក្រុងបានរកឃេីញគ្លីនិកឯកជនគ្មានច្បាប់រហូតដល់៥ទីតាំងកំពុងដំណេីរការ និងបានចេញសេចក្តីជូនដំណឹងឱ្យផ្អាកដំណេីរការជាបន្ទាន់។ អ្វីដែលមហាជនហួសចិត្តនោះ មន្ទីរសុខាភិបាលដែលជាសាមី មេីលការខុសត្រូវ បែជាបណ្តែតបណ្តោយមេីលមិនឃេីញគ្លីនិកអត់ច្បាប់បេីកដំណេីរការរាប់ឆ្នាំមកហេីយ។ តើជាការឃុបឃិតគ្នារវាងម្ចាស់គ្លីនិកនៅក្រុងដូនកែវ ជាមួយនឹងសមត្ថកិច្ចជំនាញនៃមន្ទីរសុខាភិបាលខេត្តតាកែវឬយ៉ាងដូចម្ដេចបានជាបណ្ដែតបណ្ដោយឲ្យគ្លីនិកទាំងនោះ ដំណើរការដោយអត់ច្បាប់រាប់ខែ,រាប់ឆ្នាំមកយ៉ាងដូច្នេះ?
ប្រជាពលរដ្ឋក៏ដូចជាមន្ត្រីរាជការទូទាំងខេត្តតាកែវ បានចោទសួរថា ចុះបេីករណីស្លាប់មនុស្សនៅស្រុកបាទីមិនកេីតឡេីង មេីលទៅគ្លីនិកអត់ច្បាប់ជាច្រេីនទីតាំង ត្រូវបានបំបាំងកាយ,បំបាំងភ្នែកមន្ត្រីជំនាញ មេីលមិនឃេីញ អស់ហេីយទេឬ?។ តើនៅបណ្ដាស្រុកផ្សេងទៀត ក្នុងទូទាំងខេត្តតាកែវ មានគ្លីនិកប៉ុន្មានដែរអត់ច្បាប់ ក្រោមការគ្រប់គ្រងរបស់មន្ទីរសុខាភិបាលខេត្តតាកែវនោះ? តើរដ្ឋបាលខេត្តតាកែវនិងមានវិធានការយ៉ាងណាចំពោះគ្លីនិកអត់ច្បាប់ទាំងនោះ? តើប្រធានមន្ទីរសុខាភិបាលខេត្តឆ្លើយយ៉ាងម៉េចចំពោះមុខលោកអភិបាលខេត្តនិងក្រសួងសុខាភិបាលលើករណីនេះ។
លោក ផាន់ វ៉ាន់ ប្រធានមន្ទីរសុខាភិបាលខេត្តតាកែវ បានបញ្ជាក់ខ្លីៗថា រដ្ឋបាលខេត្តតាកែវបានបង្កេីតគណៈកម្មការចម្រុះចុះស្រាវជ្រាវលេីគ្លីនិកឯកជនទូទាំងខេត្តដែលមានលោក វ៉ី សំណាង អភិបាលខេត្តតាកែវជាប្រធាន។
សូមបញ្ជាក់ថា ក្រុងដូនកែវត្រូវបានរកឃេីញគ្លីនិកអត់ច្បាប់៥ទីតាំងមាន៖
១/ មន្ទីរសម្រាកព្យាបាល និងសម្ពព ឃ្វីន
២/ មន្ទីរសម្រាកព្យាបាល និងសម្ពព ដូនកែវ
៣/ មន្ទីរសម្រាកព្យាបាល និងសម្ពព ចន្ដារង្សី
៤/ មន្ទីរសម្រាកព្យាបាល និងសម្ពព សាំងជិនជូ
៥/ មន្ទីរសម្រាកព្យាបាល ប៉ុលសុខា៕
