តាមការជូនព័ត៌មានរបស់ក្រសួងសុខាភិបាលនៅព្រឹកថ្ងៃទី១២ ខែវិច្ឆិកា ឆ្នាំ២០២០នេះ បានបញ្ជាក់ថា នៅថ្ងៃនេះពុំមានករណីឆ្លងថ្មី នៃវីរុសកូវីដ១៩នោះទេ ហើយក៏គ្មានករណីជាសះស្បើយដែរ។
ដោយឡែកសម្រាប់អ្នកពាក់ព័ន្ធនឹងព្រឹត្តិការណ៍៣វិច្ឆិកាវិញ នៅថ្ងៃម្សិលមិញនេះ ក្រសួងបានធ្វើតេស្តលើអ្នកពាក់ព័ន្ធបានចំនួន ៨៨នាក់ថែមទៀត តែលទ្ធផលអវិជ្ជមានទាំងអស់។
ដូច្នេះ គិតត្រឹមម៉ោង៧ព្រឹក ថ្ងៃទី១២ ខែវិច្ឆិកា ឆ្នាំ២០២០នេះ កម្ពុជាមានករណីវីរុសកូវីដសរុបចំនួន ៣០១នាក់ ព្យាបាលជាសះស្បើយចំនួន ២៨៨នាក់ និងកំពុងសម្រាកព្យាបាលនៅមន្ទីរពេទ្យចំនួន ១៣នាក់៕
