ព្រះករុណា ព្រះបាទ សម្តេច ព្រះបរមនាថ នរោត្តម សីហមុនី ព្រះមហាក្សត្រនៃព្រះរាជាណាចក្រកម្ពុជា កាលពីថ្ងៃទី៨ ខែតុលា ទ្រង់បានត្រាស់បង្គាប់តែងតាំងឥស្សរជនបីរូបបន្ថែមទៀត រួមមាន លោក ខៀវ កាញារីទ្ធ លោក ចម ប្រសិទ្ធ និងលោក ប៉ុល សារឿន បានក្លាយជាឧត្តមប្រឹក្សាផ្ទាល់ព្រះមហាក្សត្រ មានឋានៈស្មើឧបនាយករដ្ឋមន្រ្តី។
តាមរយៈព្រះរាជក្រឹត្យបីផ្សេងពីគ្នា ដែលទ្រង់ចេញក្នុងថ្ងៃតែមួយ គឺថ្ងៃទី៨ ខែតុលា ឆ្នាំ២០២៤ ទ្រង់មានព្រះបន្ទូលសរសើរលោកទាំងបីថា មានភក្តីភាពចំពោះព្រះរាជបល្ល័ង្ក ការពាររាជានិយម និងគោរពព្រះពុទ្ធសាសនា។