កាលពីរសៀលថ្ងៃទី២៧ ខែតុលា ឆ្នាំ២០២០ម្សិលមិញ កម្លាំងការិយាល័យប្រឆាំងគ្រឿងញៀន នៃកងរាជអាវុធហត្ថខេត្តតាកែវ ដោយមានការសម្របសម្រួលនិតិវិធីពីព្រះរាជអាជ្ញាអមសាលាដំបូងខេត្តតាកែវ បានបើកប្រតិបត្តិការចុះបង្ក្រាបករណីជួញដូរ និងប្រើប្រាស់គ្រឿងញៀន នៅចំណុចភូមិ ព្រៃជួរឃុំពពេលស្រុកត្រាំកក់ខេត្តតាកែវ។
ប្រតិបត្តិការនេះ កម្លាំងបានឃាត់ខ្លួនជនសង្ស័យម្នាក់ឈ្មោះ ជួន ប៊ុនថង (ហៅឆាង) ភេទប្រុស អាយុ២០ឆ្នាំ ព្រមទាំងបានដកហូតវត្ថុតាងមួយចំនួន រួមមាន៖ ម៉្សៅក្រាមសថ្លាចំនួន០២កញ្ចប់ទម្ងន់១៤,០៧ក្រាម ( ថ្លឹងទាំងសំបក់ថង់), ជញ្ជីងថ្លឹងថ្នាំញៀន០១, ទូរសព្ទ័០១គ្រឿង និង សម្ភារសេពថ្នាំញៀនមួយចំនួន។
បច្ចុប្បន្ន ជនសង្ស័យត្រូវបានកម្លាំងកសាងសំណុំរឿងបញ្ជូនទៅកាន់តុលាការដើម្បីចាត់វិធានការតាមច្បាប់៕