ភ្នំពេញ÷អគ្គបញ្ជាការដ្ឋាន នៃកងយោកង យោធពលខេមរភូមិន្ទស្នេីសុំផ្អាកមុខ តំណែង លោកវរសេនីយ៍ឯក ស ប៊ុនសឿង មេបញ្ជាការរងកងរាជអាវុធហត្ថខេត្តប៉ៃលិន ទៅ ថ្នាក់ដឹកនាំក្រសួងការពារជាតិដើម្បីសម្រេច ។
តាមរយៈលិខិតមួយច្បាប់ចុះថ្ងៃទី ៥ ខែ កក្កដា ឆ្នាំ ២០២៤ អគ្គបញ្ជាការដ្ឋាន បានគោរពស្នើសុំនាយឧត្ដមសេនីយ៍ ឧបនាយករដ្ឋមន្ត្រី រដ្ឋមន្ត្រី ក្រសួងការពារជាតិ ដេីម្បីផ្អាកមុខតំណែងនាយទាហានកងរាជអាវុធហត្ថខេត្តប៉ៃលិនចំនួន ១នាក់ គឺ វរសេនីយ៍ឯក ស ប៊ុនសឿង ។
អគ្គបញ្ជាការដ្ឋានបានរកឃេីញលោកវរៈសេនីយ៍ឯក ស ប៊ុនសឿង ប្រព្រឹត្តខុសចំនួន ៣ គឺទី១ បានប្រេីប្រាស់កម្លាំងខុសបទបញ្ជា ទី២ យកឥទ្ធិពលនិងអំណាចនៅក្នុងមុខតំណែងរបស់ខ្លួនទៅសម្លុតគំរាមកំហែងបំពានសិទ្ធិប្រជាពលរដ្ឋ និងទី៣ គឺប៉ុនប៉ងនាំមនុស្សមកសួរនាំនៅកង រាជអាវុធហត្ថខេត្តប៉ៃលិនទាំងមិនមាន
បទល្មេីស ។
គួរបញ្ជាក់ថា លោកវរៈសេនីយ៍ឯក ស ប៊ុនសឿង ជាអតីតមេបញ្ជាការរងកងរាជអាវុធហត្ថខេត្តបន្ទាយមានជ័យ នៅឆ្នាំ ២០២០ ត្រូវបានសម្ដេចតេជោ ហ៊ុន សែន នាយករដ្ឋមន្ត្រី បញ្ជាអោយ ចាប់ឃាត់ខ្លួនបញ្ជូនទៅតុលាការពាក់ព័ន្ធប្រេីហឹង្សាបណ្តាលឲ្យពលរដ្ឋមានទំនាស់ដីធ្លីម្នាក់ស្លាប់នៅខេត្តបន្ទាយមានជ័យ ។ តុលាការបានផ្ដន្ទា ទោសឈ្មោះ ស ប៊ុនសឿង ដាក់ពន្ធនាគារចំនួន ៤ឆ្នាំ ។ បេីតាមច្បាប់កងទ័ព គឺ ទាហានដែលត្រូវបានតុលាការផ្ដន្ទាទោសរួចហើយ មិនអាចរក្សានូវក្របខ័ណ្ឌបានទេ គឺនឹងត្រូវបណ្ដេញចេញពីក្របខ័ណ្ឌកងទ័ពតែម្តង។
ប៉ុន្តែ ករណីលោកវរៈសេនីយ៍ឯក ស ប៊ុនសឿង គឺពិសេសខុសគេ ចេញពីពន្ធនាគារមកវិញ បានធ្វើមេបញ្ជាការរងកងរាជអាវុធហត្ថខេត្តប៉ៃលិនថែមទៀត ។
មហាជនកំពុងរង់ចាំមេីលមុខអ្នករត់ការអការពារមន្ត្រីពាលពាក់ស័ក្តិ៥ ស ប៊ុនសឿង តេីគេចេញមុខអន្តរាគមន៍បែបណា ?៕
