កាលពីវេលាម៉ោងប្រមាណ៥ និង៣០នាទីល្ងាចថ្ងៃទី២៣ ខែកក្កដា ឆ្នាំ២០២៤ ភ្លៀងលាយឡំជាមួយខ្យល់កន្រ្តាក់ បានបណ្តាលឱ្យបាក់ដើមឈើមួយដើមធំស្ថិតនៅខាងមុខខ្លោងទ្វារទន្លេអុំ បណ្តាលឱ្យមនុស្សស្លាប់ម្នាក់ និងរបួស៣នាក់។
លោក លី វណ្ណៈ អ្នកនាំពាក្យសាលាខេត្តសៀមរាប បានឱ្យដឹងថា ដើមឈើនោះ បានបាក់សង្កត់ទៅលើកង់បីដែលមានអ្នកទេសចរជនជាតិខ្មែរ កំពុងជិះដើរកម្សាន្តនៅរមណីយដ្ឋានអង្គរ ។ ក្រៅពីនេះ ក៏បានធ្វើឱ្យប៉ះពាល់ទៅដល់រូបចម្លាក់នៅអមស្ពានទន្លេអុំផងដែរ។
លោកបានបង្ហាញការសោកស្ដាយចំពោះឧបទ្ទវហេតុនេះ ខណៈអាជ្ញាធរបានរៀបចំបញ្ជូនសពជនរងគ្រោះត្រឡប់ទៅផ្ទះវិញនៅខេត្តតាកែវ។
ចំពោះឧបទ្ទវហេតុនេះ អាជ្ញាធរជាតិអប្សរា ក៏បានសម្តែងក្តីរន្ធត់ និងការសោកស្តាយដែរ។ ហើយដើមឈើដែលបានដួរលំនោះ ត្រូវបានអាជ្ញាធរដកចេញរួចរាល់នៅវេលាម៉ោងប្រមាណជាង ១២យប់ឈាមចូលថ្ងៃទី២៤ ខែកក្កដា ឆ្នាំ២០២៤៕
