ក្រសួងសុខាភិបាលកម្ពុជា បានឲ្យដឹងនៅព្រឹកថ្ងៃទី១ ខែមេសា ឆ្នាំ២០២០នេះថា នៅថ្ងៃទី៣១ ខែមីនា ម្សិលមិញ មិនមានករណីវិជ្ជមានវីរុសកូវីដ១៩ថ្មី ត្រូវបានរកឃើញឡើយ គឺមានតែករណីជាសះស្បើយជនជាតិខ្មែរ០១នាក់ និងជនជាតិម៉ាឡេស៊ី ០១នាក់នៅខេត្តកែប។
ដូច្នេះ គិតត្រឹមម៉ោង៧ព្រឹក ថ្ងៃទី០១ ខែមេសា ឆ្នាំ២០២០ អ្នកជាសះស្បើយពីជំងឺកូវីដ១៩នៅកម្ពុជា សរុបចំនួន ២៥នាក់ ដែលមានបុរសជនជាតិចិន ០១នាក់ ស្រ្តីជនជាតិអង់គ្លេស ០២នាក់ បុរសជនជាតិអង់គ្លេស ០១នាក់ បុរសជនជាតិបារាំង ០១នាក់ បុរសជនជាតិម៉ាឡេស៊ី ០១នាក់ និងបុរសជនរជាតិខ្មែរ ១៩នាក់។
ដោយឡែកអ្នកដែលកំពុងសម្រាកព្យាបាលសរុបចំនួន ៨៤នាក់ (ស្រ្តី ២៨នាក់ និងបុរស ៥៦នាក់) នៅតាមមន្ទីរពេទ្យរដ្ឋនៅថ្នាក់ជាតិ និងថ្នាក់ខេត្ត៕
