ខេត្តកំពង់ស្ពឺ÷ បន្ទាប់ពីអង្គភាពអ្នកសារព័ត៌មានយើងទទួលបានការស្នើសុំពីជនរងគ្រោះដើម្បីផ្សព្វផ្សាយព័ត៌មានទាក់ទិនទៅនឹងរឿងក្មេងទំនើងមួយក្រុមព្រួតគ្នាវ៉ៃជនរងគ្រោះឲ្យមានរបួសក្បាលដេរ 33 ថ្នេរទីតាំងកើតហេតុនៅភូមិថ្នល់បំបែក សង្កាត់ស្វាយក្រវ៉ាន់ ក្រុងច្បារមនខេត្តកំពង់ស្ពឺ ។
ជនរងគ្រោះទៅដាក់ពាក្យបណ្ដឹងនៅក្រុងច្បារមនលោក សំអាង ផានីអធិការរងក្រុងច្បារមន ដែលមានលេខទូរសព្ទ 087888886 ជាអ្នកទទួលសំណុំរឿងព្រហ្មទណ្ឌទាក់ទិនទៅ នឹងការប្រើអំពើហិង្សា តាមវ៉ៃជនរងគ្រោះដល់ផ្ទះ
ក្រោយពីជនរងគ្រោះបានដាក់ពាក្យបណ្ដឹង លោកអធិការរងក្រុងច្បារមន បានដឹកនាំមន្ត្រីក្រោមឱវាទចុះប្រតិបត្តិការចាប់បានបក្ខពួកជនបង្ករ ចំនួន 4 នាក់ នឹងបានខលប្រាប់ជនរងគ្រោះថា ចាប់បានជនបង្ករចំនួន 4 នាក់ហើយ ថែមទាំងឲ្យជនរងគ្រោះទៅជួបនៅអធិការក្រុងច្បារមន ។
យោងតាមបទសម្ភាសន៍ ជាមួយជនរងគ្រោះឈ្មោះផៃ យន្ត បានបញ្ជាក់យ៉ាងច្បាស់ថា បន្ទាប់ពីគាត់ទៅដល់អធិការដ្ឋានក្រុងច្បារមន ស្រាប់តែលោក សំអាង ផានីអធិការរង ឲ្យលោកផ្តិតមេដៃនៅលើក្រដាសសមួយដោយបញ្ជាក់ប្រាប់ថាដកពាក្យបណ្ដឹង នៅក្នុងនោះលោកអធិការរងក្រុងច្បារមនបានដោះលែង ជនបង្ករទាំងបួនរូបនោះរួចទៅហើយ។
ករណីការប្រើអំពើហិង្សាទៅលើជនរងគ្រោះនេះ បានបញ្ជាក់យ៉ាងច្បាស់ថា លោកអធិការរងក្រុងច្បារមនមិនបានបញ្ជូនសំណុំរឿង ទៅថ្នាក់ដឹកនាំរបស់ខ្លួននោះទេ គឺមានន័យថាចាប់ស្ងាត់ៗ ហើយក៏លែងស្ងាត់ៗ លោកអធិការរងក្រុងច្បារមនកំពុងតែល្មើសនៅបទបញ្ជាផ្ទៃក្នុង006 របស់អគ្គស្នងការនគរបាលជាតិ និងល្មើសគោលនយោបាយ ភូមិ ឃុំ មានសុវត្ថិភាពទាំង 7 ចំណុចដែលបានដាក់ចេញដោយក្រសួងមហាផ្ទៃ។
ជុំវិញរឿងរ៉ាវខាងលើនេះ ពេញចិត្តមេឌាព្យាយាមទំនាក់ទំនងទៅលោក សំអាង ផានីអធិការរងក្រុងច្បារមន តាមប្រព័ន្ធលេខទូរស័ព្ទ 087 888886 តែលោកមិនមិនបានធ្វើការបកស្រាយនោះទេ បានត្រឹមតែបញ្ជាក់ថា គាត់មិនមែនជាប៉ូលីសទេ គ្រាន់តែជាអ្នកចិញ្ចឹមមាន់ជល់តែប៉ុណ្ណោះ។ ពិតជាលេងសើចខ្លាំងណាស់ ដែលលោកអធិការរងរូបនេះបានប្រាប់មកពេញចិត្តមេឌាបែបនេះទៅរួច។
ទោះយ៉ាងណាក៏ដោយ ជនរងគ្រោះ នៅតែទទូច ស្នើសុំទៅលោកឧត្តមសេនីយ៍ទោ សម សាមួន ស្នងការនគរបាលខេត្តកំពង់ស្ពឺ សូមចាត់វិធានការចំពោះមន្ត្រីក្រោមឱវាទដែលមិនគោរពតួនាទីក្នុងនាមជាមន្ត្រី ដែលបម្រើការងារជូនប្រជាពលរដ្ឋធ្វើការឆក់ល្វែង ដោយក្តីអនុគ្រោះ ខណៈពេលដែលលោកឧត្តមសេនីយ៍ទោ សម សាមួន បានថ្លែងប្រាប់មកពេញចិត្តមេឌា ថាលោកនឹងពិនិត្យរឿងនេះឱ្យបានល្អិតល្អន់ នឹងធ្វើការអាឆ្លើយបំភ្លឺនៅក្នុងផេករបស់ស្នងការខេត្តកំពង់ស្ពឺ៕
ដោយ: សុិន ខ្វាន់ឆា
ទំនាក់ទំនងព័ត៌មាន:010840732/061881299
