នៅវេលាម៉ោងប្រមាណ៣រសៀល ថ្ងៃទី១១ ខែកញ្ញា ឆ្នាំ២០២០ម្សិលមិញ មានពលរដ្ឋខ្មែរចំនួន២៦០នាក់ ក្នុងនោះមានស្រី១១៧នាក់ បាននាំគ្នាចាកចេញពីប្រទេសថៃ ត្រឡប់ចូលមកកម្ពុជាវិញតាមច្រកទ្វារព្រំដែនអន្តរជាតិអូរស្មាច់ នៃខេត្តឧត្តរមានជ័យ។
គួរបញ្ជាក់ថា ច្រកទ្វារព្រំដែនអន្តរជាតិ ឆង ចម ខេត្តសុរិន្ទ ទល់មុខច្រកទ្វារព្រំដែនអន្តរជាតិអូរស្មាច់ ខេត្តឧត្តរមានជ័យ ត្រូវបានភាគីថៃបិទជាបណ្តោះអាសន្ន មិនអនុញ្ញាតឲ្យអ្នកដំណើរ គ្រប់សញ្ជាតិចេញ-ចូល ឆ្លងកាត់ ដើម្បីបង្ការ និងទប់ស្កាត់ការរាតត្បាតនៃជំងឺឆ្លង កូវីដ-១៩, តែការបិទច្រកនេះ ភាគីថៃបានលើកលែង ទំនិញដែលទទួលបានការអនុញ្ញាត និងអ្នកបើកបររថយន្តដឹកទំនិញ ដែលទទួលបានការអនុញ្ញាត ព្រមទាំងបានការឆ្លងកាត់ត្រួតពិនិត្យ ដោយសមត្ថកិច្ចទាំងភាគី កម្ពុជា-ថៃ បានត្រឹមត្រូវ និងពលរដ្ឋខ្មែរ ឬពលរដ្ឋថៃ ដែលត្រូវវិលត្រឡប់ចូលប្រទេសរៀងៗខ្លួន៕
