រដ្ឋបាលខេត្តមណ្ឌលគិរី នៅព្រលឹមថ្ងៃទី២ ខែសីហា ឆ្នាំ២០២៣នេះ បានជូនដំណឹងភ្លាមៗមួយទៅកាន់សាធារណជន ក៏ដូចជាប្រជាពលរដ្ឋដែលមានបំណងធ្វើដំណើរពីភ្នំពេញមកកាន់ខេត្តមណ្ឌលគិរី ឬពីខេត្តមណ្ឌលគីរី ទៅភ្នំពេញ តាមផ្លូវជាតិលេខ៧៦A ឱ្យធ្វើការបញ្ចៀសចរាចរណ៍ ព្រោះតែផ្លូវមួយនេះត្រូស្រុតនៅចំណុចអូរអើយ ស្ថិតក្នុងភូមិអណ្តូងក្រឡឹង សង្កាត់សែនមនោរម្យ ស្រុកអូររាំង ប្រវែងប្រមាណជាង១០ម៉ែត្រ។
បើតាមអាជ្ញាធរខេត្តមណ្ឌលគិរី ប្រសិនបើបងប្អូនប្រជាពលរដ្ឋ ភ្ញៀវទេសចរដែលមានបំណងចង់ធ្វើដំណើរទៅកាន់ខេត្តមណ្ឌលគីរី គឺអាចធ្វើដំណើរបញ្ចៀស ដោយវៀងទៅតាមខេត្តក្រចេះ និងខេត្តរតនគិរីវិញ។
