(ភ្នំពេញ) ៖ ដោយសារតែពេលវេលា ចាប់ពីថ្ងៃទី១៥ ខែមករា រហូតដល់ ថ្ងៃទី៣១ ខែមីនា ឆ្នាំ២០២៣ ជារដូវបន្តពូជ និងពងកូនរបស់ត្រីកាម៉ុង រដ្ឋបាលជលផលជូនដំណឹងដល់ប្រជានេសាទឱ្យផ្អាកសកម្មភាពការនេសាទត្រីកាម៉ុងសិន។ នេះបើតាមសេចក្តីជូនដំណឹងរបស់រដ្ឋបាលជលផល នៃក្រសួងកសិកម្ម រុក្ខាប្រមាញ់ និងនេសាទ។
រដ្ឋបាលជលផល បានបញ្ជាក់ថា ការបញ្ឈប់ការធ្វើនេសាទត្រីកាម៉ុងក្នុងរយៈពេលនេះ គឺដើម្បីធានាបាននិរន្តរភាពផលស្តុកត្រីនៅក្នុងធម្មជាតិ ដើម្បីរួមចំណែកថែរក្សា និងការពារធនធានជលផលសមុទ្រកម្ពុជាឱ្យមាននិរន្តរភាព៕
