បើតាមសេចក្តីរាយការណ៍បានឲ្យដឹងថា នៅវេលាម៉ោងប្រមាណជិត១២យប់ ឈានចូលថ្ងៃទី២៩ ខែធ្នូ ឆ្នាំ២០២២នេះ អគ្គីភ័យបានឆាបឆេះអគារកាស៊ីណូ Grand Diamond City ក្រុងប៉ោយប៉ែត ខេត្តបន្ទាយមានជ័យ ។
សេចក្តីរាយការណ៍ក៏បញ្ជាក់ថា មានមនុស្សជាប់គាំងនៅលើអគារ និងបានលោតទំលាក់ពីលើអគារ ហើយក៏ត្រូវបានអាជ្ញាធរសមត្ថកិច្ចខ្មែរ.ថៃកំពុងអន្តរាគមន៍ជួយសង្គ្រោះ។
អគ្គីភ័យនេះ ឆាបឆេះរហូតដល់ជាង០៤ម៉ោងហើយនៅមិនទាន់អាចពន្លត់បានដោយសារស្ថានភាពអគារខ្ពស់ និងឆេះពីផ្នែកខាងក្នុងអគារ ដែលមានមនុស្សបក់ដៃ ស៊ីញូភ្លើងទូរសព្ទ តាមបង្អួច ស្រែករកជំនួយពីជាន់ទី១៣ .១៤,១៥ និងអគារលើដំបូល ដើម្បីឲ្យជួយសង្គ្រោះ។
ទោះបីជាយ៉ាងណាក៏ដោយ កងកម្លាំងអន្តរាគមន៍បង្ការពន្លត់អគ្គិភ័យ និងសង្គ្រោះ សមត្ថកិច្ចអាជ្ញាធរទាំងភាគីកម្ពុជា និងក្រុមការងារជំនាញថៃ ប្រឹងប្រែងបំពាក់ឧបករណ៍ ដើម្បីជួយសង្គ្រោះនៅទីកន្លែងកេីតហេតុផ្ទាល់ផងដែរ៕
